Dünən Britaniyanın Dəniz Ticarət Əməliyyatları Mərkəzi (UKMTO) Oman sahillərində neft tankerinin naməlum mərmi ilə vurulduğunu bildirib.
Zefer.media xəbər verir ki, hadisə Əş Şişi şəhərindən təxminən 9 dəniz mili (17 kilometr) şimal-şərqdə baş verib. Tankerin kapitanının sözlərinə görə, zərbə gəminin mexanizmlərinə ciddi ziyan vurub və tanker hərəkət edə bilməyib.
Məlumata görə, gəmidəki bütün heyət üzvləri təhlükəsizdir. Hadisənin ətraf mühitə mümkün təsiri barədə isə hələlik məlumat yoxdur.
Hücumun kim tərəfindən həyata keçirildiyi və tankerin hansı mərmi ilə vurulduğu barədə məlumat verilməyib.
Zərintac Mayisqızı
