İranın ABŞ- yə qarşı zərbələrinin Vaşinqtonun Yaxın Şərqdəki kəşfiyyat infrastrukturuna ciddi ziyan vurduğu bildirilir.
Zefer.media NBC News-a istinadən xəbər verir ki, zərər görən obyektlər arasında Səudiyyə Ərəbistanının paytaxtı Ər-Riyadda yerləşən Mərkəzi Kəşfiyyat İdarəsinin (CIA) rezidenturası və İraqın Süleymaniyyə vilayətindəki ABŞ kəşfiyyat məntəqəsi də var.
Məlumata görə, regionun müxtəlif ərazilərində yerləşən və ABŞ-ın xüsusi xidmət orqanları ilə hərbçiləri tərəfindən birgə istifadə olunan məxfi obyektlər, radar sistemləri və müşahidə vasitələri də İranın zərbələrinə məruz qalıb.
NBC News-un məlumatına əsasən, münaqişə ərzində İran 2 mindən çox zərbə endirib və nəticədə səkkiz ölkədə ABŞ-a məxsus ən azı 20 dövlət obyekti vurulub.
Telekanalın mənbələri dəymiş ziyanın ABŞ kəşfiyyat qurumlarının indiyədək qarşılaşdığı dağıntılar arasında miqyasına görə ən böyüyü olduğunu bildiriblər.
Aytən Yalçınqızı
