7 avqust səhəri Moskvada güclü partlayış baş verib. Yerli sakinlər mənzillərinin divarlarının və pəncərələrinin titrədiyini bildiriblər.
Zefer.media xəbər verir ki, bu barədə “RBC-Ukrayna” məlumat yayıb.
Rusiya paytaxtının bir neçə yerində və ətraf ərazilərdə səhər saat 11 radələrində yüksək səs qeydə alınıb.
Yerli sakinlərin sözlərinə görə, şok dalğası bütün şəhərdə hiss olunub. Xüsusilə, Moskvanın mərkəzi və şimalındakı ofislərdə və yaşayış binalarında aydın və uzaqdan partlayış səsi eşidilib.
Həmçinin, Varşavskaya və Domodedovskaya metro stansiyalarının, eləcə də şəhərətrafı ərazilərin sakinləri güclü bir səs eşitdiklərini söyləyiblər. Moskva bölgəsindəki yaşayış məntəqələrinin sakinləri də partlayış səsini eşidiblər.
Rusiyalılar hazırda təyyarənin eniş etməsi və ya yanğınla bağlı heç bir vizual əlamət görmürlər. Rəsmi xidmətlər və Moskva hakimiyyəti hələlik hadisə ilə bağlı şərh verməyib.
Şahidlər qeyd edirlər: “Moskvanın mərkəzindəki ofisimizdə uzaqdan aydın, yüksək səsli partlayış eşitdik; demək olar ki, dərhal şəhərətrafı ərazilərdən tamamilə fərqli yerlərdə yaşayan dostlar da bunu eşitdiklərini yazdılar. Görünür, nəsə çox yüksək səslə partlayıb”.
Digər şahidlər əlavə edirlər ki, səsin gücündən bir çox mənzillərin pəncərələri titrəyib, amma heç nə görünməyib.
Zərintac Mayisqızı
