Rusiyanın ABŞ-da keçiriləcək G20 sammitindəki nümayəndəsi ilə bağlı qərar hələ verilməyib.
Zefer.media xəbər verir ki, Rusiya prezidentinin mətbuat katibi Dmitri Peskov Rusiya prezidenti Vladimir Putinin iştirak edib-etməyəcəyi ilə bağlı suala cavab olaraq deyib.
“Hələlik belə qərarlar qəbul edilməyib, lakin Rusiya hər sammitdə müvafiq səviyyədə iştirak edib. İştirakımızın formatı ilə bağlı qərar sammitə yaxın veriləcək”, – Kremlin sözçüsü bildirib.
Peskov Moskvanın G20 çərçivəsində işləməyə davam etdiyini vurğulayıb.
Xatırladaq ki, bir müddət əvvəl Rusiya xarici işlər nazirinin müavini Aleksandr Pankin Rusiyanın ABŞ-da keçiriləcək G20 sammitində ən yüksək səviyyədə iştirak etməyə dəvət olunduğunu qeyd etmişdi.
Zərintac Mayisqızı
