Ukraynanın Ali Korrupsiyaya Qarşı Mübarizə Məhkəməsində (VAKS) prezidentin ofisinin keçmiş rəhbər müavini İrina Mudraya qarşı seçiləcək qətimkan tədbiri ilə bağlı məhkəmə prosesi keçirilib.
Zefer.media Ukrayna KİV-lərinə istinadən xəbər verir ki, Mudranın müdafiəsi işdə əsas fiqurlardan biri olan Maksim Mıkıtaşın onunla bağlı söhbətləri gizli şəkildə yazmasına diqqət çəkib. Müdafiə tərəfi bunun Mıkıtaşın öz maraqları naminə hərəkət etdiyini və Mudraya təsir göstərməyə çalışdığını sübut etdiyini bildirib.
Müdafiə tərəfinin məhkəmədə səsləndirdiyi versiyaya görə, Mıkıtaş Mudra ilə danışıqlarının yazıldığını bilib və bu qeydlər sonradan ona qarşı istifadə olunub.
Vəkil Mıkıtaşın söhbətlərdən birində dediyi iddia olunan ifadəni də məhkəmədə səsləndirib:
“Mən heç nə etməli deyiləm, burada İrina Romanovnanı ‘yola verirəm’ və hər şey qaydasındadır”.
İstintaq isə Mıkıtaşı və Mudranı “Forrest Gump” adlı korrupsiya işi çərçivəsində araşdırır. NABU və SAP-ın versiyasına görə, işdə külli miqdarda vəsaitin leqallaşdırılması və digər korrupsiya epizodları araşdırılır.
Qeyd edək ki, 25 avqustda VAKS İrina Mudranı 60 gün müddətinə həbs edib, alternativ olaraq 20 milyon qrivna girov müəyyənləşdirib. Prokurorluq isə 150 milyon qrivna girov tələb etmişdi.
Aytən Yalçınqızı
