ABŞ İranla bağlı yeni təklif irəli sürüb.
Zefer.media xəbər verir ki, bu barədə “Əl-Ərəbiyyə” telekanalı bildirib.
Vaşinqton Hörmüz boğazının açılması və İranın proksi qruplarının hücumlarının dayandırılması müqabilində Tehrana qarşı dəniz blokadasının və sanksiyaların aradan qaldırılmasını təklif edib.
Eyni zamanda, “Əl-Hədəs” telekanalı bildirib ki, Pakistan Ordusunun Baş Qərargah rəisi, feldmarşal Asim Munir Tehrana səfəri zamanı İranın Ali Milli Təhlükəsizlik Şurasının katibi Möhsün Rzayi ilə görüşündə bu məsələni müzakirə edib.
Rzayinin isə mümkün yeni eskalasiya halında İranın mübarizəni davam etdirəcəyini bildirdiyi və ABŞ-nin təklifinə cavab vermək üçün yaxın günlərdə məsləhətləşmələrin davam etdiriləcəyini söylədiyi açıqlanıb.
Habelə, Pakistanın baş naziri və İran prezidenti arasında da bazar ertəsi Şanxay Əməkdaşlıq Təşkilatının sammiti çərçivəsində görüş keçiriləcək.
Zərintac Mayisqızı
