Rusiyanın Kazan şəhərində 13 yaşlı məktəbli qıza qarşı bir qrup yeniyetmənin cinsi zorakılıq törətməsindən şübhələnilir.
Zefer.media Rusiya KİV-lərinə istinadən xəbər verir ki, 14–16 yaşlarında olan bir qrup yeniyetmə qızla “TikTok” vasitəsilə tanış olub və onu məclisə dəvət edib.
Məlumata görə, məclis zamanı qıza spirtli içki verilib. Daha sonra bir neçə yeniyetmənin ona qarşı cinsi zorakılıq törətdiyi və baş verənləri telefonla lentə aldığı iddia olunur.
Hadisəni əks etdirən görüntülərin daha sonra sosial şəbəkələrdə yayıldığı və məktəbli qızın onlayn təzyiq və təhqirlərə məruz qaldığı bildirilir. Həmçinin onun hamilə qalması ilə bağlı məlumatlar yayılıb. Bu məlumatın doğruluğu isə rəsmi şəkildə təsdiqlənməyib.
Yeniyetmələrdən biri zorakılıqda iştirak etmədiyini iddia edib, lakin məktəbli qızı bir dəfə təpiklədiyini etiraf edib. Daha sonra o, hadisə ilə bağlı video yayımlayaraq üzr istəyib.
Hazırda hüquq-mühafizə orqanları hadisənin bütün təfərrüatlarını araşdırır və məclisdə iştirak edən şəxsləri dindirir.
Qeyd edək ki, zərərçəkənin yaşı azyaşlı olduğu üçün hadisə ilə bağlı yayılan məlumatların təsdiqlənməmiş hissələrinə ehtiyatla yanaşmaq vacibdir.
Aytən Yalçınqızı
