İsraildə 16 yaşlı Qalileya sakini və 19 yaşlı Hayfa sakini İbrahim Kəabiya terror hücumları planlaşdırmaqda şübhəli bilinərək saxlanılıblar.
Zefer.media NTD-yə istinadən xəbər verir ki, polis və Şin Bet tərəfindən aparılan birgə araşdırmadan sonra şübhəlilərə qarşı ittihamların irəli sürülməsi planlaşdırılır.
Müstəntiqlərin sözlərinə görə, hər iki şübhəli İŞİD-ə sədaqət andı içib və terror hücumları planlaşdırıb. Yetkinlik yaşına çatmayan şəxs Məbəd dağında polis və hərbçilərə, digər şübhəli isə İsrailin şimalındakı hərbi bazaya qarşı hücum təşkil etməyi planlaşdırıb.
Dindirmə zamanı 16 yaşlı şübhəlinin internetdə partlayıcı qurğuların hazırlanması ilə bağlı təlimatların yer aldığı materialları da araşdırdığı məlum olub.
Hayfa prokurorluğu hər iki şübhəlinin məhkəmə prosesi başa çatana qədər həbsdə saxlanılmasını tələb etmək niyyətindədir.
Aytən Yalçınqızı
