İsrail Müdafiə Qüvvələri (SAXAL) İsfahanda İranın sualtı tədqiqat mərkəzinə zərbə endirildiyini bildirib.
Zefer.media xarici mətbuata istinadən xəbər verir ki, bu mərkəz İranda hərbi-dəniz qüvvələri (HDQ) üçün sualtı qayıqların və təminat sistemlərinin layihələndirilməsi və hazırlanmasına cavabdeh olan yeganə müəssisədir. Bundan əlavə, bu obyektdə müxtəlif model pilotsuz uçuş aparatları istehsal olunur.
“Endirilən zərbə İranın HDQ üçün yeni və müasir sualtı qayıqların istehsalı, eləcə də mövcud donanmanın modernləşdirilməsi imkanlarını əhəmiyyətli dərəcədə məhdudlaşdıracaq. SAXAL İranın hərbi sənayesinə zərbələr endirməyə davam edəcək ki, mövcud istehsal imkanlarını zəiflətsin”, – deyə, məlumatda qeyd olunub.
