İran Xarici İşlər Nazirliyinin sözçüsü İsmayıl Bəqayi mətbuat konfransında İranın xaricdə dondurulmuş vəsaitləri ilə bağlı məsələyə münasibət bildirib.
Zefer.media xəbər verir ki, o, ABŞ rəsmilərinin əvvəlki illərdə İrana milyardlarla dollar verilməsi ilə bağlı açıqlamalarını şərh edib və bu iddiaların bir hissəsinin yanlış və ziddiyyətli olduğunu ifadə edib.
Bəqayinin sözlərinə görə, nüvə sazişi dövründə İrana qaytarılan vəsaitlər başqa ölkələrin yardımı deyil, İran xalqına məxsus olan və uzun müddət dondurulmuş vəziyyətdə saxlanılan pullar idi.
Sözçü vurğulayıb ki, Tehran hazırda hər hansı güzəşt tələb etmir, əksinə, İran xalqının pozulmuş hüquqlarının bərpasını istəyir. Onun fikrincə, bu hüquqlardan biri də ABŞ-nin siyasəti nəticəsində müxtəlif ölkələrdə məhdudlaşdırılmış və ya dondurulmuş İran aktivlərinin geri qaytarılmasıdır.
Zərintac Mayisqızı
