İran Xarici İşlər Nazirliyinin sözçüsü İsmayıl Bəqayi ABŞ-la birbaşa danışıqlar aparıldığına dair məlumatları təkzib edib.
Zefer.media xəbər verir ki, bu barədə teleqram kanalları məlumat yayıb.
Onun sözlərinə görə, tərəflər arasında birbaşa dialoq olmayıb, yalnız vasitəçilər – o cümlədən Pakistan vasitəsilə müəyyən mesajlar ötürülüb.
“ABŞ-ın tələbləri həddən artıq və qeyri-məntiqidir”, – deyə Bəqayi bildirib.
O, həmçinin qeyd edib ki, İran İslamabadda keçirilən regional görüşlərdə iştirak etməyib və müharibənin başlanmasına görə ABŞ-ı məsuliyyətli hesab edir.
Bəqayi vurğulayıb ki, İran region ölkələri ilə münasibətləri dostluq və qonşuluq prinsipləri əsasında qurur və heç bir qonşunu düşmən hesab etmir.
Eyni zamanda o, İranın ABŞ-ın regiondakı hərbi bazalarına zərbələrini özünümüdafiə kimi qiymətləndirərək bunun beynəlxalq hüquqa uyğun olduğunu iddia edib.
Zərintac Mayisqızı
