Yaxın Şərqdəki münaqişənin nizamlanması üzrə İran və ABŞ nümayəndələrinin iştirakı ilə danışıqlar Pakistan və ya Türkiyədə baş tuta bilər.
Zefer.media “Reuters” agentliyinə istinadən xəbər verir ki, bu barədə İrandakı yüksək rütbəli anonim məmur məlumat yayıb.
Mənbə bildirib: ” Türkiyə müharibənin başa çatmasına kömək etdi, ona görə də ya Türkiyə, ya da Pakistan bu cür danışıqların keçiriləcəyi yer kimi nəzərdən keçirilir”.
Agentliyin həmsöhbətinin sözlərinə görə, Pakistan ABŞ-ın münaqişənin nizamlanması ilə bağlı təklifini Tehrana çatdırıb. Mənbə İslamabad tərəfindən ötürülən təklifin təfərrüatlarını açıqlamayıb və söhbətin daha əvvəl medianın məlumat verdiyi 15 bəndlik plandan gedib-getmədiyini dəqiqləşdirməyib.
