İraq İran müharibəsinin neft ixracına təsirləri fonunda OPEC çərçivəsində hasilat kvotasının əhəmiyyətli dərəcədə artırılmasını tələb edir.
Zefer.media xəbər verir ki, bu haqda “Reuters” agentliyi bildirib.
Ölkə ciddi maliyyə təzyiqləri ilə üzləşdiyi üçün daha çox neft hasil edib ixrac etməyə ehtiyac duyur. Qeyd olunub ki, əgər İraqın kvotası nəzərəçarpacaq dərəcədə artırılmasa, Bağdad bütün mümkün variantları nəzərdən keçirəcək.
İraq rəsmiləri OPEC-dən çıxmaq ehtimalını da müzakirə ediblər. Bununla belə, hazırkı mərhələdə əsas məqsəd təşkilatda qalaraq daha yüksək hasilat kvotasına nail olmaqdır.
İraq hökuməti hesab edir ki, müharibənin yaratdığı iqtisadi çətinliklər və maliyyə ehtiyacları fonunda neft hasilatı və ixracının artırılması ölkə üçün zəruri addımdır.
Zərintac Mayisqızı
