İran Hörmüz boğazından gündə təxminən 10 gəminin keçməsinə icazə vermək niyyətindədir.
Zefer.media xəbər verir ki, bununla bağlı, “The Wall Street Journal” qəzeti məlumat yayıb.
Müharibədən əvvəl boğazdan gündə 100-dən çox gəmi keçirdi. Hazırda Tehran bu şərti vasitəçilərə çatdırıb və regionda ilişib qalmış gəmilərin keçməsi üçün ondan əvvəlcədən icazə alınmasını tələb edir.
Bildirilib ki, atəşkəsdən sonra boğazdan yalnız dörd gəmi keçib ki, bu da aprel ayının ən az keçidi hesab olunur.
Hörmüz boğazında keçid gözləyən gəmilər arasında 425 neft və neft məhsulları daşıyan tanker və təxminən 20 mayeləşdirilmiş təbii qaz (LNG) gəmisi var.
Zərintac Mayisqızı
