İran ABŞ nümayəndə heyəti ilə Qətərin paytaxtı Dohada keçirilməsi gözlənilən görüşlə bağlı iddiaları növbəti dəfə təkzib edib.
Zefer.media xəbər verir ki, İranın danışıqlar qrupunun üzvü və siyasi analitik Seyid Məhəmməd Mərəndi “X” hesabındakı paylaşımında Donald Trampın Dohada keçiriləcək görüşlə bağlı açıqlamasına cavab verərək, ABŞ nümayəndələri ilə hər hansı görüşün planlaşdırılmadığını bildirib.
“Əlbəttə ki, belə bir müraciət Tramp administrasiyası tərəfindən edilib, ancaq İran bu görüş üçün nümayəndə heyəti göndərməyəcək”, – deyə Mərəndi qeyd edib.
Bu arada, Qərb mediası İranla nüvə danışıqlarına cavabdeh olan ABŞ texniki qrupunun İsveçrədən Dohaya yola düşdüyünü yazıb.
Zərintac Mayisqızı
