Hörmüz boğazında – Omanın Xasab şəhərindən təxminən 19 dəniz mili şərqdə bir mülki tanker vurulub.
Zefer.media xəbər verir ki, bu barədə Britaniyanın Dəniz Ticarət Əməliyyatları İdarəsi məlumat (UKMTO) yayıb.
Bildirilir ki, tanker naməlum mərmi ilə vurulub və gəminin sol (liman) tərəfində kiçik struktur zədəsi yaranıb.
UKMTO-nun açıqlamasına əsasən, bütün heyət üzvləri təhlükəsizdir, xəsarət alan olmayıb və ətraf mühitə hər hansı mənfi təsir qeydə alınmayıb. Gəmi təhlükəsizlik vəziyyəti qiymətləndirildikdən sonra təyinat limanına doğru hərəkətini davam etdirib.
Hadisə ilə bağlı araşdırma aparılır. UKMTO bölgədən keçən gəmilərə ehtiyatlı olmalarını və hər hansı şübhəli fəaliyyət barədə dərhal təşkilata məlumat vermələrini tövsiyə edib.
Zərintac Mayisqızı
