Hindistanda IndiGo aviaşirkətinə məxsus təyyarənin burun hissəsi enişə yaxınlaşma zamanı ildırım vurması nəticəsində zədələnib.
Zefer.media xarici mətbuata istinadən xəbər verir ki, hadisə təyyarənin enişə yaxınlaşdığı zaman baş verib. Nəticədə meteoroloji radarı qoruyan burun örtüyü – təyyarənin ön hissəsində yerləşən xüsusi qoruyucu hissə zədələnib.
Zədənin miqyası yalnız təyyarə yerə endikdən sonra məlum olub.
Patnadan Laknau şəhərinə uçan Airbus A320 təyyarəsinin göyərtəsində 104 sərnişin və 6 ekipaj üzvü olub.
Hazırda təyyarə ətraflı texniki baxışdan keçirilməsi üçün uçuşlardan kənarlaşdırılıb.
Pərvin Hacıyeva
