Göyçay şəhərində baş verən zəncirvari avtomobil qəzasında altı nəfər xəsarət alıb.
Zefer.media xəbər verir ki, hadisə rayon mərkəzinin Heydər Əliyev prospektində qeydə alınıb.
İlkin məlumata görə, prospektdə hərəkətdə olan “VAZ-2107”, “VAZ-2105” və “Hyundai Sonata” markalı minik avtomobillərinin iştirakı ilə zəncirvari toqquşma baş verib.
Qəza nəticəsində 6 nəfər – 2011-ci il təvəllüdlü Sabir Nəsibli, Fidan Nəsibova (1991), Mansur Babazadə (1995), Tural İbrahimov (1992), Mirəli Zeynalov (2007) və Nuray Nəsibli (2009) xəsarət alıblar.
Hadisə barədə məlumat daxil olduqdan sonra əraziyə təcili tibbi yardım briqadaları və hüquq-mühafizə orqanlarının əməkdaşları cəlb olunub.
Xəsarət alan şəxslərə ilkin tibbi yardım göstərildikdən sonra onlar Göyçay Rayon Mərkəzi Xəstəxanasına çatdırılıblar.
Hazırda faktla bağlı araşdırma aparılır.
