“Fox News” ABŞ hökumətinin ən yüksək səviyyələrində İrana qarşı planlaşdırılan hərbi əməliyyatla bağlı məxfi məlumatın sızdırıldığını açıqlayıb.
Zefer.media xəbər verir ki, telekanalın məlumatına görə, Ağ Ev həftəsonu planlaşdırılan ABŞ hücumu barədə informasiyanın hökumətin hansı yüksək vəzifəli nümayəndəsi tərəfindən mediaya ötürüldüyünü müəyyənləşdirməyə çalışır.
Hesabatda bildirilir ki, ABŞ prezidenti Donald Trampın sözlərinə əsasən, hücum planı təkcə İranın deyil, həm də Səudiyyə Ərəbistanı, Qətər və Birləşmiş Ərəb Əmirlikləri kimi Fars körfəzi ölkələrinin xahişi ilə dayandırılıb.
“Fox News” qeyd edir ki, bölgədə təxminən 50 min ABŞ hərbçisi, habelə, döyüş gəmiləri və qırıcı təyyarələr yerləşdirilib. Telekanalın iddiasına görə, əməliyyatın məxfiliyini qorumaq üçün hətta İsrailin yüksək vəzifəli kəşfiyyat rəsmilərinə belə planın detalları açıqlanmayıb.
Zərintac Mayisqızı
