Ermənistan xarici işlər naziri Ararat Mirzoyan qazaxıstanlı həmkarı Yermek Koşerbayevlə görüşüb.
Zefer.media xəbər verir ki, bu barədə Ermənistan Xarici İşlər Nazirliyi məlumat yayıb.
Belə ki, danışıqlar təkbətək formatda başlayıb, daha sonra nümayəndə heyətləri görüşü genişləndirilmiş formatda davam etdiriblər.
Qeyd edək ki, Qazaxıstan Xarici İşlər Nazirliyinin rəhbəri aprelin 8-də Ermənistana rəsmi səfərə gedib. Nümayəndə heyətində Qazaxıstanın nəqliyyat naziri Nurlan Sauranbayev də var.
Həmçinin Ermənistanın Ərazi İdarəetmə və İnfrastruktur naziri David Xudatyan Qazaxıstanın nəqliyyat naziri Nurlan Sauranbayev ilə qarşılıqlı maraq doğuran bir sıra məsələləri müzakirə edib. Nazirlər iki ölkə arasında birbaşa uçuşların bərpa edilməsinin zəruriliyini, “Dünyanın Kəsişmə Yolları” layihəsini və bir sıra dəmir yolu infrastrukturu məsələlərindən danışıblar.
Zərintac Mayisqızı
