İran hakimiyyəti daxilində əlaqə və koordinasiya problemləri ciddi şəkildə artıb.
Zefer.media xəbər verir ki, bununla bağlı CBS telekanalı bildirib.
Məlumata görə, yüksək vəzifəli İran rəsmilərinin əksəriyyəti möhkəmləndirilmiş yeraltı bunkerlərdə yerləşdirilib və onlar həftələrlə yeraltında qalırlar.
Qeyd olunub ki, rəsmilər yalnız fövqəladə hallarda bir-biri ilə əlaqə saxlayır və bu vəziyyət hökumət daxilində koordinasiyanı çətinləşdirir.
Amerikalı mənbələrdən biri İran rəsmilərinin əlaqə qurmaq cəhdlərini “sitkom”a bənzədərək bildirib: “Onların bir-biri ilə ünsiyyət qurmağa çalışmasını izləmək sitkom kimidir. Bu, tamamilə məyusedicidir”.
Əlavə edilib ki, İran ali liderinin yerləşdiyi məkan barədə məlumat çox məhdud sayda şəxsdə mövcuddur və bir çox yüksək vəzifəli dövlət rəsmisi onun harada olduğunu bilmir.
Zərintac Mayisqızı
