Britaniya davamlı atəşkəs əldə edildikdən sonra Hörmüz boğazında gəmiçiliyin təhlükəsizliyini təmin etmək üçün çoxmillətli missiyanın bir hissəsi olaraq özünün “Eurofighter Typhoon” qırıcılarını yerləşdirməyi təklif edib.
Zefer.media xəbər verir ki, bu barədə “The Guardian” qəzetinin məlumat yayıb.
Təklif olunan missiya Qətərdə yerləşən Kral Hərbi Hava Qüvvələrinə məxsus “Eurofighter Typhoon” eskadrilyasının istifadəsini nəzərdə tutur.
Bu təyyarələr İranın Fars körfəzi ölkələrinə zərbələrinin dəf edilməsində iştirak edib.
Qırıcı təyyarələrin yerləşdirilməsi təklifi, təxminən 30 ölkədən olan hərbi ekspertin 22-23 aprel tarixlərində Hörmüz boğazının yenidən açılmasına həsr olunmuş görüşündə səsləndirilib.
Bundan əlavə, Britaniya tərəfi Hörmüz boğazında minaları təmizləmək üçün pilotsuz minaaxtaranlardan istifadə etməyə və dalğıclarını yerləşdirməyə hazır olduğunu bildirib.
Zərintac Mayisqızı
