“İran ABŞ ilə danışıqlara yalnız öz təşəbbüsü ilə başlayacaq”.
Zefer.media “Tasnim” agentliyinə istinadən xəbər verir ki, bu sözləri “Xatəm əl-Ənbiya” mərkəzi hərbi komandanlıq qərargahının rəsmi nümayəndəsi İbrahim Zülfüqari bildirib.
“Bu iradə o zaman yaranacaq ki, İran xalqına qarşı fəaliyyət düşüncəsi sizin çirkli zehninizdən tamamilə təmizlənəcək. Bizim ilk gündən bəri ilk və son sözümüz belə olub, belədir və belə də olacaq: bizim kimilər heç vaxt sizin kimilərlə danışıqlar aparmayacaq”, — deyə İran hərbi rəsmisi vurğulayıb.
Bundan əvvəl Ağ Evin mətbuat katibi Karolin Livitt bildirmişdi ki, Birləşmiş Ştatlar İranla təmaslar zamanı ona qarşı hərbi əməliyyatın miqyasını azaltmayacaq.
