İran Xarici İşlər Nazirliyinin sözçüsü İsmayıl Bəqayi jurnalistlərin suallarını cavablandırarkən Birləşmiş Ərəb Əmirliyinin (BƏƏ) bir neçə nəfəri əsassız və saxta bəhanələrlə həbs etməsini pisləyib.
Zefer.media xəbər verir ki, İsmayıl Bəqayi bu barədə qeyd edib: “Bu cür əsassız iddiaların irəli sürülməsi və anti-İran mühitinin yaradılması, diqqəti düşmən Amerika və sionist rejimin İrana qarşı hərbi təcavüzündə onlara dəstək verənlərin birbaşa məsuliyyətindən yayındıra bilməz.”
Xarici İşlər Nazirliyinin sözçüsü belə məsuliyyəti başqasının üzərinə yıxma cəhdlərinin region ölkələri arasında etimadın bərpasına kömək etməyəcəyini vurğulayaraq, BƏƏ hökumətini insanların hüquqlarına və ləyaqətinə hörmət etməyə, qisasçı davranışlardan çəkinməyə və mehriban qonşuluq prinsipinə qayıtmağa çağırıb.
Zərintac Mayisqızı
