Avropa Komissiyası SpaceX şirkətini Ukraynada “Starlink” peyk rabitə sisteminin tam fəaliyyətini bərpa etməyə çağırıb.
Zefer.media xarici mətbuata istinadən xəbər verir ki, Avropa Komissiyasının nümayəndəsi Toma Renye “Starlink”in fəaliyyətinin ləngiməsi ilə bağlı məlumatları “dərin narahatlıq doğuran” adlandırıb. Onun sözlərinə görə, Ukraynaya hərbçilərin koordinasiyası, mülki əhalinin qorunması və dronların idarə olunması üçün bu rabitə sistemi lazımdır.
Renye qeyd edib ki, Ukraynadakı müharibə Avropanın təhlükəsizliyinin kosmik texnologiyalardan asılı olduğunu göstərib. Aİ hazırda 300-dən çox peyki əhatə edəcək “Iris²” adlı təhlükəsiz peyk rabitə sistemini hazırlayır. Ukrayna da layihədə iştirak edəcək.
Pərvin Hacıyeva
