İranın ali rəhbərinə bağlı radikal mövqeli “Keyhan” qəzetinin baş redaktoru Hüseyn Şəriətmədari Avropa ölkələrinə sərt mesaj verib.
Zefer.media xəbər verir ki, Şəriətmədari qəzetdə dərc olunan yazısında əgər “Reuters”in yaydığı məlumatlar doğrudursa, ABŞ-nin istifadəsində olan Avropa ölkələrindəki hərbi bazaların İran üçün “qanuni hədəflərə” çevrilə biləcəyini yazıb.
O, bəzi ərəb ölkələrini də eyni kontekstdə söyləyərək, onların da ABŞ və İsrailə dəstək verdiyi üçün mümkün hücumların hədəfi ola biləcəyini iddia edib.
“Avropa dövlətləri yaxşı bilir ki, biz zərbə endirə bilərik və bunu effektiv şəkildə edirik”, – deyə Şəriətmədari yazıb.
O Avropanın mümkün hücumlara qarşı “zəif və kövrək” olduğunu qeyd edib.
Yazıda 1986-cı ildə Liviya tərəfindən ABŞ bazalarına qarşı həyata keçirilmiş raket hücumuna da istinad edilib və həmin hadisənin Avropada ciddi sosial və siyasi reaksiyalar doğurduğu ifadə olunub.
Zərintac Mayisqızı
