Almaniyanın “WELT” qəzeti Türkiyənin müdafiə sənayesindəki yüksəlişini vurğulayaraq Almaniyanın Türkiyə istehsalı olan uzun mənzilli raket sistemləri ilə yaxından maraqlandığını yazıb.
Zefer.media xəbər verir ki, bu barədə “TRT Haber” məlumat yayıb.
Orada Türkiyə tərəfindən hazırlanmış yüksək texnologiyalı müdafiə sistemlərinin Avropa təhlükəsizlik arxitekturasında getdikcə daha vacib rol oynadığı vurğulanıb.
Belə ki, Alman mediası Türkiyənin müdafiə sənayesində və yerli istehsal sistemlərində əhəmiyyətli texnoloji sıçrayışını işıqlandırmağa davam edir. Berlin hökumətinin Türkiyə istehsalı olan uzun mənzilli raket sistemləri ilə yaxından maraqlandığını detalları ilə xəbər verib.
Türkiyənin milli qırıcı təyyarə layihəsi olan KAAN-ın Avropada da əhəmiyyətli maraq doğurduğu və İspaniyanın Türk Aerokosmik Sənayesi (TUSAŞ) şirkətinin Britaniyanın “BAE Systems” şirkəti ilə birlikdə həyata keçirdiyi bu layihəyə böyük maraq göstərdiyi bildirilib.
Zərintac Mayisqızı
