AİB ölkələri ərzaq təhlükəsizliyini gücləndirməli və kənd təsərrüfatı sektorunun xarici təchizatdan asılılığını azaltmalıdırlar.
Zefer.media xəbər verir ki, bunu Rusiyanın Baş naziri Mixail Mişustin Avrasiya Hökumətlərarası Şurasının genişləndirilmiş iclasında bildirib.
Onun sözlərinə görə, bu gün birlik ölkələri taxıl, donuz əti, quş əti, süd, şəkər, bitki yağları və yumurtaya olan daxili tələbatlarını tam şəkildə ödəyir. Lakin bu siyahını genişləndirmək lazımdır.
Buna nail olmaq üçün fermerlər toxum və effektiv gübrələrlə, heyvandarlıq sənayesi isə təhlükəsiz qida və yem əlavələri, eləcə də müasir baytarlıq dərmanları ilə təmin edilməlidir.
“Habelə xarici təchizatçılardan asılılığı azaltmaq üçün onları özümüz istehsal edəcəyik. Həmkarlarımı kənd təsərrüfatı sektorundakı təcrübələrini daha fəal şəkildə birləşdirməyə dəvət edirəm”, – deyə Mişustin ifadə edib.
Zərintac Mayisqızı
