ABŞ və İsrail İranın mümkün quru blokadası ilə bağlı ssenariləri müzakirə edir.
Zefer.media xəbər verir ki, bu barədə The Telegraph nəşri xəbər verib.
Məlumata görə, ABŞ prezidenti Donald Tramp və İsrailin baş naziri Benyamin Netanyahu iyulun 28-də Ağ Evdə keçirdikləri görüşdə İrana qarşı iqtisadi təzyiqin artırılması variantlarını müzakirə ediblər.
Nəşrin yazdığına görə, mümkün plan İranın qonşu dövlətlərinə və regional tərəfdaşlarına sərhəd nəzarətini sərtləşdirmək və ya sərhəd keçidlərini bağlamaq üçün təzyiq göstərilməsini, bununla da İranın idxal və ixrac axınının məhdudlaşdırılmasını nəzərdə tutur.
Qeyd olunur ki, İran İraq, Türkiyə, Pakistan, Əfqanıstan, Türkmənistan, Ermənistan və Azərbaycanla həmsərhəddir. Nəşrin qiymətləndirməsinə görə, bu ölkələrdən hər hansı biri belə bir planı dəstəkləyərsə, həm iqtisadi nəticələrlə, həm də İranın mümkün cavab tədbirləri ilə üzləşə bilər.
Zərintac Mayisqızı
