İran qonşu ölkələrin neft və qaz obyektlərinə hücum etmək niyyətində deyildi, lakin ABŞ və İsrailin 18 mart səhəri İranın enerji infrastrukturuna hücumu Tehranı buna məcbur etdi.
Zefer.media xəbər verir ki, bu barədə İran İslam İnqilabı Keşikçiləri Korpusunun (SEPAH) məlumatında deyilir.
“İran İslam Respublikası müharibəni neft obyektlərinə qədər genişləndirmək niyyətində deyildi, dost və qonşu ölkələrin iqtisadiyyatına zərər vurmaq istəmirdi. Lakin düşmənin enerji infrastrukturuna qarşı təcavüzü ilə biz faktiki olaraq müharibənin yeni mərhələsinə qədəm qoyduq və İranın infrastrukturunu qorumaq zərurəti bizi ABŞ və onların Amerika səhmdarları ilə əlaqəli enerji obyektlərinə zərbə endirməyə məcbur etdi”, – deyə bildirilib.
Qeyd edək ki, ötən gün ABŞ və İsrail İranın Cənubi Pars qaz yatağına zərbələr endirib. Buna cavab olaraq, İran hərbi qüvvələri Bəhreyn, BƏƏ və Qətərdə enerji infrastrukturlarına hücumlar təşkil edib.
