İraq ABŞ və İran arasında mümkün danışıqlara yenidən ev sahibliyi etməyə hazır olduğunu bəyan edib.
Zefer.media xəbər verir ki, bu barədə İraqın Rusiyadakı səfiri Əbdülkərim Haşim Mustafa TASS agentliyinə açıqlamasında bildirib.
Diplomatın sözlərinə görə, İraq 2014-cü ildə ABŞ və İran arasında ilk dolayı danışıqlara ev sahibliyi edib və eyni rolu yenidən üzərinə götürməyə hazırdır. O vurğulayıb ki, bunun baş tutması hər iki tərəfin – ABŞ və İranın siyasi iradəsindən və istəyindən asılıdır.
Əbdülkərim Haşim Mustafa, həmçinin İsrailin İrana qarşı həyata keçirdiyi hücumlar zamanı istifadə olunan raketlərin təkcə İraqın deyil, Suriya, Livan və bəzən İordaniyanın hava məkanından da keçdiyini iddia edib. Onun sözlərinə görə, belə raketlərin qarşısını ala biləcək texniki imkanlara malik ölkələrin sayı məhduddur.
Zərintac Mayisqızı
