“Pakistanın baş naziri Şahbaz Şərif və feldmarşalı Asim Munir ilə danışıqlarıma əsasən, onlar bu gecə İrana göndərilən dağıdıcı qüvvəni təxirə salmağımı istədilər və İran İslam Respublikasının Hörmüz boğazının tam, dərhal və təhlükəsiz şəkildə açılmasına razılıq verməsi şərtilə, İranın bombalanmasını və hücumları iki həftə müddətinə dayandırmağa razıyam”.
Zefer.media xəbər verir ki, bununla bağlı, ABŞ prezidenti Donald Tramp özünün “Truth Social” platformasında yazıb.
“Bu, ikitərəfli atəşkəs olacaq!
Bunun səbəbi odur ki, biz artıq bütün hərbi məqsədlərə çatmışıq və onları aşmışıq və İranla uzunmüddətli sülh və Yaxın Şərqdə sülh üçün yekun razılaşmaya doğru böyük irəliləyiş əldə edirik.
İrandan 10 bəndlik təklif almışıq və biz bunun danışıqlar üçün etibarlı əsas olduğunu düşünürük.
Keçmişdən bəri mübahisəli olan demək olar ki, bütün məqamlar artıq ABŞ və İran arasında razılaşdırılıb, lakin iki həftəlik müddət razılaşmanın tamamlanmasına və həyata keçirilməsinə imkan verəcək.
Amerika Birləşmiş Ştatları adından, Prezident və Yaxın Şərq ölkələrinin nümayəndəsi olaraq, uzun müddətdir davam edən bu problemin həllinə yaxınlaşdığını görmək mənim üçün şərəfdir.
Bu məsələyə diqqət yetirdiyiniz üçün təşəkkür edirəm!”, – Tramp bildirib.
Zərintac Mayisqızı
