ABŞ və İran arasında atəşkəs razılaşması son anda iki “gözlənilməz oyunçu”nun iştirakı ilə əldə olunub.
Zefer.media xəbər verir ki, bu barədə “Associated Press” (AP) agentliyi məlumat yayıb.
Bildirilib ki, razılaşmanın formalaşmasında ABŞ vitse-prezidenti Ceyms Devid Vens və Çin mühüm rol oynayıb.
Agentlik vasitəçi ölkələrdən birinin mənbəyinə istinadən yazır ki, Vens dünən danışıqlara qoşulub. Bu, Donald Trampın İranın həyati əhəmiyyətli infrastrukturuna və körpülərə mümkün zərbələr endirmək üçün müəyyən etdiyi son tarix yaxınlaşdığı vaxt baş verib.
AP-nin məlumatında qeyd olunur ki, Çin rəsmiləri də iranlı həmkarları ilə əlaqə saxlayaraq Tehranı atəşkəs razılaşmasına razı salmağa çalışıblar.
Məlumata görə Pekin həmin prosesdə əsasən Pakistan, Türkiyə və Misir kimi vasitəçi ölkələr üzərindən təsir imkanlarından istifadə edib.
Zərintac Mayisqızı
