Bu gün ABŞ Dövlət Departamenti iranlılara ünvanlanmış videomüraciət yayımlayıb.
Zefer.media xəbər verir ki, bu barədə “Azad İran” məlumat yayıb.
Vurğulanır ki, amerikalılar İrana baxdıqda minilliklərə söykənən tarixə və zəngin mədəniyyətə malik böyük bir xalq görürlər. Bildirilir ki, İran vətəndaşları sabitlik, söz azadlığı və qorxu olmadan yaşamaq kimi əsas istəklərə sahibdirlər.
Dövlət Departamenti İranın tarixi nailiyyətlərini və xalqının uğurlarını sadalayaraq problemin İran xalqında deyil, qarşılıqlı əməkdaşlıq əvəzinə qarşıdurma siyasətini seçən İslam Respublikası hakimiyyətində olduğunu deyib.
Videoda “İranı geri salan nədir?” sualı səsləndirilərək, mövcud problemlərin səbəbinin xalq deyil, idarəetmə siyasəti olduğu mesajı verilib.
Müraciətdə İranın gələcəyinin məhz xalq tərəfindən formalaşdırılmalı olduğu qeyd edilir. Videonun sonunda isə “İranın hekayəsi hələ də yazılır. Onun ən yaxşı fəsli hələ qarşıdadır” ifadələrinə yer verilib.
Zərintac Mayisqızı
