İslam İnqilabının Keşikçiləri Korpusuna (SEPAH) və ya Mahan Air aviaşirkətinə maliyyə, logistika və ya kommersiya xidmətləri göstərən şəxslər və şirkətlər terror təşkilatının fəaliyyətinə kömək etmiş hesab olunurlar.
Zefer.media xəbər verir ki, bu haqda ABŞ-nin maliyyə naziri Skot Bessent deyib.
Bessentin sözlərinə görə, ABŞ Maliyyə Nazirliyi bu şəxsləri müəyyən etməyə, onların adlarını açıqlamağa və ABŞ maliyyə sisteminə çıxışlarını qadağan etməyə davam edəcək.
Bundan öncə ABŞ Maliyyə Nazirliyi İran, Çin, Hindistan və Rusiyada Mahan Air və SEPAH ilə əməkdaşlıq edən ilə altı şəxs və təşkilata sanksiya tətbiq etmişdi.
Vaşinqtonun məlumatına görə, sanksiyaya məruz qalan bəzi şirkətlər “Mahan Air” üçün bilet agenti kimi fəaliyyət göstərib və aviaşirkətin beynəlxalq şəbəkəsinin saxlanmasına yardım göstəriblər.
Habelə, İranın “Data Negar Startup Studio” şirkəti də SEPAH ilə əməkdaşlığa görə ABŞ tərəfindən sanksiyalar tətbiq olunub.
Zərintac Mayisqızı
