Fransanın şərqində avtobusun qəzaya uğraması nəticəsində azyaşlı qız və 18 yaşlı gənc həyatını itirib.
Zefer.media Reuters-ə istinadən xəbər verir ki, hadisə cümə günü yerli vaxtla saat 07:00 radələrində, Lion və Burq-an-Bres şəhərləri arasında hərəkət edən avtobusun Lent şəhərində qəzaya uğraması nəticəsində baş verib. Qəza İsveçrə sərhədindən təxminən 55 kilometr məsafədə qeydə alınıb.
Bres prokurorluğunun məlumatına görə, avtobusda 15-i uşaq olmaqla, ümumilikdə 43 sərnişin olub. Üç nəfərin vəziyyəti ağırdır, azı 13 nəfər isə yüngül xəsarət alıb.
Fransa Prezidenti Emmanuel Makron həlak olanların, yaralıların və onların ailələrinin yanında olduğunu bildirib.
Aytən Yalçınqızı
