Yəməndə İslam İnqilabının Keşikçiləri Korpusunun (SEPAH) iki zabiti və onlarla əlaqəli bir İraq vətəndaşı həlak olub.
Zefer.media xəbər verir ki, bununla bağlı, “Əl-Ərəbiyyə” telekanalı məlumat yayıb.
Üç nəfər Yəmən hökumət qüvvələri ilə baş verən toqquşmalar zamanı qətlə yetirilib.
Ölən şəxslər Yəməndə SEPAH-ın mütəxəssisləri kimi fəaliyyət göstəriblər. Onların kimliyi, habelə, ölümün dəqiq vaxtı və yeri açıqlanmayıb.
Qeyd edilib ki, Yəməndə husilərin hərbi birləşmələrindən biri olan “Ələviyyə əl-Fəth” Briqadasının komandiri də pilotsuz uçuş aparatının hücumu nəticəsində yaralanıb.
Zərintac Mayisqızı
