Çin dronları səslə aşkarlayan və sonra optik kameralar vasitəsilə müəyyən edən yeni dron aşkarlama sistemini təqdim edib.
Zefer.media xəbər verir ki, sistem Beijing Ribri Technology tərəfindən hazırlanıb.
Sistem 6,4 kq ağırlığındadır və 48 mikrofonlu akustik modul, eləcə də görünən və infraqırmızı spektrdə işləyən kamera ehtiva edir. Tərtibatçının sözlərinə görə, sistem həm kiçik FPV dronlarını, həm də Şahed-136 da daxil olmaqla daha böyük pilotsuz uçuş aparatlarını aşkarlaya, optik modul 4 km-ə qədər məsafədəki hədəfləri tuta və 24/7 işləyə bilir.
Sistemin unikal xüsusiyyətlərindən biri radarın olmamasıdır. Ribri iddia edir ki, bu, sistemi radar kanallarını hədəf alan ənənəvi elektron müharibə sistemlərinə qarşı immunitetli edir. Lakin sistemin real döyüş şəraitində effektivliyi hələ müstəqil şəkildə təsdiqlənməyib.
Layihə hərbi obyektlərin, vacib infrastrukturun və dəniz aktivlərinin qorunmasında istifadə üçün təklif olunur.
Avadanlığın korpusu toz və nəmdən qorunur və çətin hava şəraitində işləmək üçün nəzərdə tutulub.
Zərintac Mayisqızı
