İran ABŞ Prezidenti Donald Trampın Hörmüz boğazına nəzarətlə bağlı açıqlamasına cavab verib.
Zefer.media “Minval”a istinadən xəbər verir ki, İranın “Bəsic” hərbi birləşməsinin rəhbəri Hüseyn Taeb Hörmüz boğazının “İranın nəzarəti və idarəçiliyi altında olduğunu” bildirib.
Taebin açıqlaması Trampın Vaşinqtonun strateji əhəmiyyət daşıyan su yoluna “tam nəzarət” əldə etdiyi barədə bəyanatından bir gün sonra səsləndirilib.
Beləliklə, Tehran və Vaşinqtonun Hörmüz boğazına nəzarətlə bağlı bir-birinə zidd mövqeləri diqqət çəkib.
Qəmər Kazımzadə
