Rusiya Prezidenti Vladimir Putin Yakutiya (Saxa Respublikası) və Smolensk vilayətində almaz emalı klasterinin yaradılması haqqında fərman imzalayıb.
Zefer.media Rusiya KİV-lərinə istinadən xəbər verir ki, müvafiq sənəd avqustun 6-da rəsmi hüquqi informasiya portalında dərc olunub.
Fərmanda bildirilir ki, qərarın məqsədi Rusiyada almaz emalı sənayesinin inkişafını təmin etməkdir. Bu çərçivədə Saxa (Yakutiya) Respublikası və Smolensk vilayətinin ərazilərində almazların emalı üzrə ixtisaslaşmış klaster yaradılacaq.
Sənədə əsasən, klasterin iştirakçıları xüsusi reyestrə daxil edilmiş hüquqi şəxslər və fərdi sahibkarlar olacaq. Layihənin operatoru isə Rusiyanın xarici iqtisadi birlik qurumu olan “Almazyuvelireksport” təyin edilib.
Aytən Ağazadə
