Bu gün səhər saatlarında İran Hörmüz boğazından qeyri-rəsmi və təhlükəli marşrutla keçməyə çalışan altı gəminin qarşısını aldığını açıqlayıb.
Zefer.media xəbər verir ki, gəmilər naviqasiya və yerləşdirmə sistemlərini söndürərək Hörmüz boğazının cənub hissəsindən hərəkət ediblər. İran tərəfi bildirib ki, gəmilərdən biri zədələnib, digər beş gəmi isə İran qüvvələrinin müdaxiləsindən sonra geri qaytarılıb.
İran rəsmiləri qeyd ediblər ki, Hörmüz boğazında gəmiçilik üçün rəsmi dəhlizlər müəyyən edilib və həmin marşrutlardan kənar hərəkət edən gəmilər təhlükəli hesab olunur. Tehran iddia edir ki, sözügedən gəmilər ABŞ qüvvələrini təhrik etmək məqsədilə qanunsuz marşrutdan istifadə ediblər.
Zərintac Mayisqızı
