ABŞ administrasiyası Hörmüz boğazından keçən neft tankerləri üçün ABŞ Hərbi Dəniz Qüvvələrinin müşayiəti ilə ödənişli “VIP keçid” sisteminin yaradılması imkanını müzakirə edir.
Zefer.media xəbər verir ki, bununla əlaqədar “Politico” nəşri bildirib.
Məlumata görə, ABŞ prezidenti Donald Trampın Hörmüz boğazının açıq olduğunu elan etməsinə baxmayaraq, bir çox gəmi sahibi və daşıyıcı şirkət bölgədəki təhlükəsizlik risklərinə görə marşrutdan istifadə etməkdə hələ də ehtiyatlı davranır.
Müzakirə olunan planlardan biri ABŞ hərbi gəmilərinin kommersiya tankerlərini müşayiət etməsi və bunun müqabilində xüsusi xidmət haqqının tətbiq edilməsidir. Məqsəd gəmiçilik şirkətlərinə əlavə təhlükəsizlik təmin etmək və boğazda ticarət axınını sürətləndirməkdir.
Zərintac Mayisqızı
