Bu gün İran Xarici İşlər Nazirliyinin sözçüsü İsmayıl Bəqayi İranın Səudiyyə Ərəbistanına hücum etdiyi barədə yayılan məlumatları təkzib edib.
Zefer.media xəbər verir ki, Bəqayi mətbuat konfransında çıxış edib.
O bildirib ki, İran Silahlı Qüvvələri özünümüdafiə hüququ çərçivəsində həyata keçirdiyi hər hansı əməliyyatı açıq şəkildə elan edir.
Sözçünün sözlərinə görə, indiyədək Silahlı Qüvvələr tərəfindən Səudiyyə Ərəbistanına hücumla bağlı heç bir rəsmi açıqlama verilməyib.
Bəqayi regionda gərginliyin artdığı şəraitdə aldatma və ya yalançı bayraq əməliyyatları təhlükəsinə diqqət çəkib. O qeyd edib ki, əvvəlki münaqişələr zamanı da region ölkələri arasında qarşıdurma yaratmaq məqsədilə bu cür əməliyyatların həyata keçirildiyi iddia olunub.
Zərintac Mayisqızı
