ABŞ Hərbi Hava Qüvvələrinin bir pilotu İranla müharibə zamanı bir ay ərzində iki ayrı insidentdə vurulub.
Zefer.media xəbər verir ki, bu barədə “CBS News” telekanalı bildirib.
Qeyd edilib ki, ilk hadisə mart ayında hərbi əməliyyatların başlanğıcında baş verib. Həmin vaxt pilotun olduğu F-15E qırıcı təyyarəsi səhvən Küveytə məxsus qırıcı tərəfindən vurulub. İnsident nəticəsində üç iki nəfərlik F-15E təyyarəsi sıradan çıxsa da, altı ekipaj üzvünün hamısı katapultasiya edərək xilas olub.
Məlumata görə, həmin pilot aprelin 3-də yenidən vurulub. Bu dəfə onun idarə etdiyi F-15E təyyarəsi İran üzərində hava hücumundan müdafiə raketi ilə hədəfə alınıb.
Katapultasiyadan sonra ekipaj üzvləri bir-biri ilə əlaqə saxlaya bilsələr də, pilot bir neçə saat sonra ABŞ qüvvələri tərəfindən tapılıb və təxliyə edilib.
Zərintac Mayisqızı
