ABŞ Omanı İranla diplomatik əlaqələri kəsməyə çağırıb və Maskata “tərəf seçməsi” üçün təzyiq göstərib.
Zefer.media xəbər verir ki, “The Wall Street Journal” (WSJ) nəşri mənbələrə istinadən bildirib.
Məlumata görə, Vaşinqton Omanın İranla birlikdə Hörmüz boğazından keçən gəmilər üçün rüsum toplamaq planlarını Tehranla yaxınlaşma kimi dəyərləndirib və bu səbəbdən Omanı düşmənçilik mövqeyində görməyə başlayıb.
Qəzetin yazdığına əsasən, Tramp administrasiyası Maskatı sanksiyalar və hətta hərbi zərbə ehtimalı ilə hədələyib.
Oman rəsmiləri isə həmin iddiaları təkzib edərək ABŞ-nin mövqeyindən təəccübləndiklərini və bu addımlara cavab hazırladıqlarını vurğulayıblar.
Eyni zamanda, WSJ ifadə edib ki, sərt ritorikaya baxmayaraq, ABŞ-nin İrana dəstək səbəbilə Omanı hərbi hədəfə almaq planı yoxdur.
Zərintac Mayisqızı
