“İran ənənəvi hərbi qələbə əldə etməkdən daha çox, ona siyasi və strateji üstünlük qazandıran uzunmüddətli qeyri-sabitlik mühitinin qorunmasına üstünlük verir”.
Zefer.media xəbər verir ki, bu barədə Avstraliyanın Strateji Siyasət İnstitutu tərəfindən yayımlanan təhlildə bildirilir.
Məqalədə qeyd edilir ki, Tehran davam edən gərginlikdən danışıqlarda təsir imkanlarını artırmaq, regional nüfuzunu qorumaq və daxildə siyasi mövqeyini möhkəmləndirmək üçün istifadə edir.
Təhlilə görə, xarici münaqişələr İran hakimiyyəti üçün yalnız çəkindirmə vasitəsi deyil, həm də daxili idarəetmə aləti rolunu oynayır. Müəlliflər hesab edirlər ki, bu yanaşma hakimiyyətə daxili narazılıqları nəzarətdə saxlamağa, iqtisadi problemləri xarici təzyiqlərlə əlaqələndirməyə və siyasi mühiti daha sərt nəzarət altında saxlamağa imkan verir.
Məqalədə vurğulanır ki, nəzərəçarpacaq nəticələr əldə edilmədən sülhə keçid hakimiyyəti daxili tənqidlərlə üz-üzə qoya bilər.
Zərintac Mayisqızı
