Pakistanın daxili işlər naziri Möhsün Nəqəvi Tehrana səfəri çərçivəsində İranın xarici işlər naziri Abbas Əraqçı ilə görüş keçirib.
Zefer.media xəbər verir ki, görüşdə tərəflər təhlükəsizlik və iqtisadi məsələlər daxil olmaqla ikitərəfli əməkdaşlığı, habelə, regiondakı mövcud vəziyyəti və Tehranın ABŞ və İsrail tərəfindən tətbiq edilən müharibəyə son qoymaq səylərini müzakirə ediblər.
Əraqçı bildirib ki, əvvəlki razılaşmaların pozulması səbəbilə ABŞ-yə qarşı dərin etimadsızlıq mövcud olsa da, İran diplomatik prosesi davam etdirməyə hazırdır və eyni zamanda müdafiə hazırlığını gücləndirir.
Möhsün Nəqəvi isə İslamabadın İranla münasibətləri inkişaf etdirməkdə maraqlı olduğunu vurğulayıb və Pakistanın vasitəçilik təşəbbüslərinin bölgədə sabitliyə töhfə verəcəyinə ümid etdiyini bildirib.
Zərintac Mayisqızı
