Birləşmiş Ərəb Əmirlikləri (BƏƏ) gizli şəkildə İrana qarşı hərbi hücumlar həyata keçirib.
Zefer.media xəbər verir ki, bu barədə “The Wall Street Journal” nəşri məlumat yayıb.
Həmin əməliyyatlar BƏƏ-ni İranla qarşıdurmada daha aktiv tərəfə çevirə bilər.
Nəşrin yazdığına əsasən, hücumlar arasında Fars körfəzində yerləşən Lavan adasındakı neft emalı zavodunun hədəfə alınması da var.
Bildirilir ki, aprelin əvvəlində – atəşkəs elan olunduğu dövrdə – İranın adalarda və kontinental şelfdə yerləşən neft obyektlərinə bir neçə hava zərbəsi endirilib. Bu hücumların geniş yanğınlara səbəb olduğu və Lavan neft emalı zavodunun fəaliyyətini uzun müddət qismən dayandırdığı iddia edilir.
İran tərəfi həmin vaxt zavodun “düşmən hücumu”na məruz qaldığını açıqlamış və buna cavab olaraq BƏƏ və Küveytə qarşı raket və pilotsuz uçuş aparatları ilə hücumlar həyata keçirdiyini bildirmişdi.
Zərintac Mayisqızı
