“Ümumdünya Səhiyyə Təşkilatının (ÜST) son qiymətləndirməsinə görə, Avropada hantavirus riski aşağıdır”.
Zefer.media xəbər verir ki, bunu Avropa İttifaqının (Aİ) sözçülərindən biri olan Eva Hrncirova deyib.
İctimai sağlamlığın qorunmasının prioritet olduğunu vurğulayan Hrncirova üzv dövlətlərin, Avropa Xəstəliklərin Qarşısının Alınması və Nəzarəti Mərkəzinin (ECDC), ÜST-ün və G7 tərəfdaşlarının hantavirusa qarşı uyğun və elmi əsaslı cavab hazırlamaq üçün birlikdə çalışdıqlarını qeyd edib.
O həmçinin dünən Aİ Mülki Müdafiə Mexanizmi çərçivəsində “MV Hondius” gəmisindən üzv dövlətlərə vətəndaşların repatriasiyası üçün lazımi sağlamlıq protokolları ilə birlikdə dörd uçuşun həyata keçirildiyini də paylaşıb.
Sözçü İspaniyanın rəhbərlik etdiyi gəmilərin təxliyə səylərini dəstəklədiklərini və lazım gələrsə, əlavə tutumları işə salmağa hazır olduqlarını vurğulayıb.
