Şimal-Qərb Universitetinin mühəndisləri real beyin hüceyrələri ilə birbaşa qarşılıqlı əlaqəyə girə bilən və həyatabənzər siqnallar göndərən çap edilə bilən süni sinir hüceyrələri hazırlayıb. Bu elastik və aşağı maliyyətli qurğular bioloji sinir şəbəkələri ilə uyğun elektrik siqnalları yarada bilir.
Zefer.media “TRT Xəbər”ə əsasən bildirib ki, “Nature Nanotechnology” jurnalında dərc olunan tədqiqatda laboratoriya şəraitində siçan beyin toxuması üzərində aparılan sınaqlarda süni sinir hüceyrələrinin real neyronları uğurla stimullaşdırdığı müşahidə edilib.
Bu inkişaf xüsusilə görmə, eşitmə və ya hərəkət qabiliyyətinin bərpasını hədəfləyən neyroprotez qurğuların və beyin-maşın interfeyslərinin hazırlanmasında mühüm addım kimi qiymətləndirilir.
Lalə Qurbanlı
